Pres. Duterte, gin-imbitar ni Maasin Mayor Mariano Malones sa centenial celebration sang banwa
Maasin, Iloilo — Ginkumpirmar ni Maasin Mayor Mariano Malones nga gin-imbitar sini si Presidente Rodrigo Duterte sa centennial celebration sang banwa sa Agosto.
Suno kay Malones, nakapadala na siya sang sulat sa opisina sang presidente apang wala pa sang sabat sa iya imbitasyon.
Naintindihan man sini nga masaku ang pangulo nga posible rason nga wala pa siya nakabaton sang sabat.
Nagalaum si Malones nga hatagan sang atensyon sang presidente ang iya imbitasyon ilabe na nga malayo pa man ang okasyon.
Si Malones ang nalakip sa narcolist ni Duterte kag sang damlag lang nagsumpa sa PDP-Laban sang presidente. (JoMaque)