Isa pa gid ka OFW sa Kuwait nga nagpalagyo sa iya amo sang nagligad nga tuig, indi na ma-contact sang iya pamilya

Iloilo City — Nagpalagyo sa iya amo sa Kuwait ang Ilongga OFW bangud ginapagutman kag delayed pa ang sweldo.

Suno sa bana nga si alyas Jerry, Agosto 2, 2017 natapos ang duha ka tuig kontrata sang asawa nga si alyas Marlyn apang indi ini pagpasugtan sang iya amo nga magpauli.

Ginpahayag ni Jerry nga nagtawag man ang iya asawa agency sini sa syudad sang Iloilo agud magpangayo sang bulig apang ginhambalan lang siya nga magpalagyo.   Pebrero 16 sang nagpalagyo si Marlyn sang ginsugo ini sang amo nga maghaboy sang basura.

Yara sa kustodiya sang embassy sa Kuwait si Marlyn apang indi na ini macontact ni Jerry.

Nagdangup sa Aksyon Radyo ang bana matapos ginbalewala sang Overseas Workers Welfare Administration ang iya reklamo.

Oktubre pa sang nagligad nga tuig sang nagkadtu sa OWWA si jerry agud apang tubtub subong wala naaksyonan.

Makapila siya ka beses nga nagbalik-balik sa OWWA kag makapila ka beses man nga nag-text kag nagtawag apang wala gihapon sang sabat angut sa sitwasyon sang iya asawa. (JoMaque)