4 ka menor de edad, nag-alegar nga gintuyo i-abduct sang mga lalaki nga sakay sang puti nga van

Sta. Barbara, Iloilo — Naghilibion ang 4 ka mga menor matapos ginpahayag gintuyo lagson/ kuhaon sang mga lalaki nga naka bonet sakay sa puti nga van sa Taft Street, Sta. Barbara.

Suno sa himata nga si Sybil Valenzuela, nagahampang sa kilid kalsada ang iya 10 ka tuig nga hinablos, 9 kag 6 ka tuig nga mga apo kag 10 ka tuig nga bata, lunsay mga lalaki sang hinali lang nga nagpundo ang puti nga van sa ila atubang.

Suno naman kay alyas Charlo nagbukas ang pwertahan sang van kag nakita sang mga kabataan ang lalaki nga may tattoo sa butkon.

Nakita man nila ang driver sang van nga may bigote.  Nanaog ang lalaki nga may bonet kag nagtuyo nga lagson sila. Bangud sa kakulba, nagdalagan ang mga bata. (JoMaque)