ERC, mahiwat sang information dissemination kag consultation campaign sa Iloilo City angut sa mga isyu batuk sa PECO

Iloilo City— Mahiwat sang information dissemination and consultation campaign ang Energy Regulatory Commission sa syudad sang Iloilo angut sa mga reklamo batuk sa Panay Electric Company.

Suno kay Councilor Joshua Alim, positibo ang sabat sang ERC Board paagi kay ERC Chairperson Agnes Devanadera sa request sang City Council nga maghiwat sang public hearing sa syudad antes desisyunan ang pag-renew sang franchise sang PECO. Si Presidential Spokesperson Harry Roque ang nagforward sang resolution sang City Council sa ERC sang Enero subong nga tuig.

Wala pa sang fetsa sa public hearing apang nagpasalig si Alim nga i-anunsyar man paagi sa Aksyon Radyo agud makatambung ang mga konsumedor ilabe na ang may mga reklamo sa ginpahayag overbilling, billing without reading kag iban pa nga reklamo batuk sa PECO.

Sang damlag lang, ginduso ni Alim ang duha ka resolutions sa City Council, una ang pagpamatuk sa franchise renewal sang PECO kag ikaduha ang paghiwat sang ERC sang public hearing sa syudad. (AGB)