Pagtambak sang duta sa Iloilo River, makabig nga illegal suno sa CEO sang Philippine Reclamation Authority

Iloilo City–Makabig nga illegal ang pagtambak sang duta sa Iloilo River bilang kabahin sang nagapadayon nga Esplanade projects  nga wala sang permit halin sa Philippine Reclamation Authority.

Suno kay PRA general manager kag CEO Atty. Janilo Rubiato, nakita niya ang daku nga area nga gintampukan sang duta gani indi na makabig nga slope protection kundi reclamation. Base sa proseso, puwede nga maka-issue sang cease and decist order ang PRA sa gin-reclaim nga duta kon makita sa ocular inspection nga illegal ang pagtambak sang duta.

Mahimo suno kay Rubiato nga mabawi sang national government ang gin-reclaim nga duta kon mapamatud-an nga illegal.

Nagmandu na si Rubiato sa mga technical personnel sang PRA nga mag-schedule sang ocular inspection sa proyekto sa subong nga bulan. (AGB)