Abo halin sa coal-fired power plant sa Concepcion, ginreklamo

Concepcion, Iloilo–Ginareklamo sang mga pumuluyo sa Sitio Puntales, Barangay Nipa, Concepcion ang pila ka tuig nila nga pag-antos sang abo halin sa coal-fired power plant.

Sa reklamo nga ginpadala sang mga pumuluyo sa FB page sang Aksyon Radyo Iloilo, ginpahayag sang mga residente nga madugay na nila napahibalo ang DENR, DOH kag iban pa nga natungdan nga ahensya sang gobierno para sa ila problema apang wala gina-aksyonan. Suno pa sa mga pumuluyo, wala man sila ginapamatian sang Palm Concepcion Power Corporation nga tag-iya sang coal-fired power plant.

Napalab-ot man nila sa local government unit sang Concepcion ang ila problema. Ginpahayag pa sang mga nagareklamo nga nagapatawag sang meeting ang PCPC kag ginaplastar kon anu ang ila himoon pero wala man sang positibo nga resulta.

Gin-confirmar naman ni Mr. Gilbert Francisco, PIO sang Concepcion LGU, na-aksyonan na ang PCPC ang reklamo. Gina-transaksyon suno sa iya sang tagdumalahan sang PCPC ang mga residente malapit sa planta nga baklon ang ila duta. (AGB)