Memorandum nga nagalapta sa social media nga isa sa mga target sang ISIS bombers ang Iloilo, wala sang kamatuoran suno sa PRO 6

Iloilo City — Wala sang pagpamahog nga nabaton ang Police Regional Office 6 nga target sang ISIS kag mga bomb experts ang mga plaza kag malls sa Iloilo.

Kasunod ini sang memorandum nga naglapta sa social media nga may presensya sang ISIS sa Mindanao kag sa mga target ang Iloilo.

Suno kay Supt. Gilbert Gorero, indi na dapat pagpalaptahon sa social media ang kopya sang memo halin sa PRO 10.

Sa pihak sini, ginpabaskug sang PRO 6 ang seguridad sa rehiyon bisan pa nga safe ang Western Visayas lakip na ang Iloilo.

Nagpakig-angut ang pulis sa Muslim communities suno kay Gorero kag wala sila sang namonitor nga link ang mga nagasimpatiya sa terorista nga grupo.

Bisan pa negatibo ang report, ginpanugyanan ni Gorero ang publiko nga ipabilin ang pag-aligmat kag gilayon magpakig-angut sa mga otoridad kon may manotisyahan nga makaduluda nga mga tawo. (JoMaque)