Anggulo sa pagtiro kay STL province operator Sam Aguilar, gina-imbestigaran sang Tigbauan police
Tigbauan, Iloilo — (UPDTE) May ginasunod na nga mga anggulo ang Tigbauan police sa pagtiro kay Mr. Sam Aguilar, Chief Operating Officer sang Eagle Crest Gaming Corporation kag operator sang STL province.
Suno kay PSI Hermogenes Eulatic, hepe sang Tigbauan Police Station, lakip sa ginasunod nila nga anggulo ang business rivalry kag personal grudge. Wala man ginadula sang police ang posibilidad nga ginsundan ini sa Iloilo sang mga nag-ambush sadtu sa iya sa Manila.
Under observation naman si Aguilar suno kay Dr. Dennis Superficial, Sta. Barbara Mayor kag isa sa mga nag-operate. Nagbalibad sa pagdetalye si Superficial kon pila gid ang pilas, diin nga parte sang lawas ang igo kag ano ka lawig ang ila pag-operate bangud nagapadayon ang imbestigasyon sang mga pulis sa natabu. Pero iya lang ginpasiguro nga ginahimo nila ang nagakadapat kag nagalaum nga wala sang kumplikasyon para sa lubos nga recovery ni Aguilar. (JoMaque)