Ilonggo nga bata sang mangunguma sa Pavia, opisyal na nga gin-anunsyar nga valedictorian sang PMA Alab-Tala Class 2018
Baguio City–Opisyal na nga gin-anunsyar nga valedictorian sang Philippine Military Academy Alab-Tala Class 2018 si Cadet 1st Class Jaywardene Galilea Hontoria sang Sitio Linay, Barangay Balabag, Pavia kag proud nga anak sang mangunguma kag housewife.
Gin-anunsyar ang Top 10 graduates sang PMA Class subong nga tuig kaina sang aga.
Si Hontoria, amo man ang brigade company commander kag ikatatlo pa lang nga class baron sa PMA nga nag-graduate nga valedictorian. Suno kay PMA Superintendent Lieutenant General Donato San Juan, 1951 pa sang katapusan nga may Class Baron nga nagpanguna sa klase.
Ang 25-anyos nga si Hontoria, magabaton sang Presidential Saber, Chief of Staff Saber, Academic Group Award, Spanish Armed Forces Award kag Australian Defense Best Overall Performance Award.
Sulod man sa Top 10 sanday 2. Ricardo Witawit Liwaden — Mountain Province; 3. Jun Ray Malazzab Castro — Amulong, Cagayan; 4. Leonore Andrea Carino Japitan — Butuan City; 5. Jezaira Laquion Buenaventura – Bais City, Negros Oriental; 6. Mark Jantzen Nono Dacillo — Zamboanga City; 7. Jessie Antonio Laranang — San Clemente, Tarlac; 8. Paolo Balla Briones — Baguio City; 9. Jayson Raymundo Cimatu — Casiguran, Aurora; kag 10. Micah Quiambao Reynaldo — Bamban, Tarlac. (AGB)