Bangud sa ginpahayag pagpangastigo, lalaki ginbuno sang iya live-in partner sa Lapaz

Iloilo City–Wala ginhinulsulan sang 26-anyos nga babaye nga ginbuno ang iya live-in partner bangud sang pagkastigo sa iya.

Suno kay alyas Bing sang Lapaz, madugay na siya naga-agwanta sa kapintas sang iya live-in partner nga isa ka drug surrenderer.

Ginpahayag ni Bing nga nagdulom ang iya panulok sang nakita nga ginpang-gisi ni Orig ang iya tanan nga bayo matapos nahibaluan sini nga makadtu siya sa Roxas City. Napilasan sa dughan si Orig sang ginbuno sang gunting ni Bing.

Nagsurrender sa Lapaz Police Station si Bing pagkatapos sang natabu apang desidido ini gihapon nga magbulag kay Orig. (AGB)