1 patay, 2 pilason sa pagpanglampos kag pagpangbuno sa Lambunao

Lambunao, Iloilo — Isa patay kag duha ang pilason sa pagpanglampos kag pagpangbuno sa Barangay Maribong, Lambunao kagab-i.

Gindala sa ospital si Ricardo Sumbe sa ospital apang wala gid natabangan bangud sa patal nga pilas sa ulo tuga sang pagpanglampos.

Suspek sa pagpatay kay Sumbe si alyas Jericho, 17-anyos.  Pero antes ginlampusan sang suspek ang biktima, ginbuno ni Ricardo ang tiyo ni Jericho nga si Jessie Perante nga napilasan sa tiyan.

Pagkatapos naman ginlumpusan ni Jericho si Ricardo, ginbuno sang bata sang biktima nga si Jerson Sumbe si Jerico nga napilasan man sa tiyan.

Confined ang magtiyo sa Western Visayas Medical Center samtang nadakpan si Jerson nga presu na sa Lambunao Police Station.

Daan nga hiligut-anon ang ginhalinan sang insidente. (JoMaque)