Coast Guard Iloilo, nagahanda na sa pagdinaguso sang mga makadto sa Balaan Bukid

Iloilo City–Ginapreparahan sang Coast Guard Iloilo Station ang pagdinaguso sang mga tawo pakadtu sa Balaan Bukid sa Semana Santa.

Sa ginpatawag nga sinapol ni Coast Guard Iloilo Station Commander Lt. Rodolfo Dela Peña Jr, katuyuan sang tikang nga malikawan ang anuman nga disgrasya.

Ginpahayag ni Dela Peña nga naka-alerto na ang mga tawo sa pantalan agud magbulig sa mga local nga turista nga magasaksi sang tuigan nga “Pagtaltal sa Balaan Bukid” sa Jordan, Guimaras.

Nagcoordinate na si Dela Peña sa kapulisan kag Philippine Army para sa dugang nga seguridad.

Siguraduhon man ni Dela Peña ang sea worthiness sang mga pumpboats agud makalikaw sa aksidente. (AGB)