Hepe sang San Jose Police Station sa Antique, ginrelieve kasunod sang ginpahayag shootout incident
San Jose, Antique — (UPDATE) Gin-relieve ang chief of police, lakip na ang pito ka mga police non-commission officers (PNCO) sang San Jose, Antique Municipal Police Station. Suno kay PO2 John Mark Gonzaga, nag-epekto ang relief order sang Domingo, Marso 25.
Kasunod ini sang mandu si Police Regional Office 6 Director Cesar Hawthorne Binag agud indi ma-impluwensyahan ang imbestigasyon sa ginpahayag shootout incident sa Brgy. Madrangca, San Jose nga nagresulta sang duha ka patay.
Ginkilala ang mga napatay kanday Kenneth Henry Tabaranggao, 30 anyos sang Mandurriao apang temporaryo nga naga-istar sa Madrangca, San Jose, Antique; kag Vidal Allado, 49 anyos sang Barangay Madrangca.
Gin-relieve si Senior Inspector Marc Dado sa San jose Police Station kag ginbuslan ni Supt. Orly Gabinete halin sa Antique Police Provincial Office (APPO).
Gin-assign sa APPO ang pito ka PNCO samtang gin-assign si PSI Dado sa Regional Personnel Holding and Accounting Unit (RPHAU) sa Campo Delgado. (JoMaque)