Auto, nasunog sa Molo
Molo, Iloilo City – Gulpi lang nagkarab-karab sa higad sang karsada ang auto nga ginapanag-iyahan sang pamilya Vencer sang Democracia Jaro sa Brgy. Avanceña, Molo alas 11:10 kagab-i.
Suno sa driver nga si Joel Vencer, nagapakadtu sila sa Molo plaza sang nakapanimaho sang aso sa salakyan.
Nagpundo sa higad sang karsada si Joel apang gulpi lang nagkalayo ang dashboard sang salakyan gani naghingagaw sila sa paguwa.
May nagdulog suno sa iya nga pila ka taxi kag ginbasyahan pa sang mineral water ang auto apang wala napalong ang kalayo tubtub nga gintawgan sang mga bombero.
Ginabanta sa P500,000 ang damage sang salakyan samtang gina-imbestigaran sang Bureau of Fire Protection ang rason sang sunog. (JoMaque)