ID system, ipatuman sa mga residente kag trabahador sa Boracay sa anum ka bulan nga pagsirado sa isla

Boracay Island — Ma-implementar sang ID system sa mga residente kag trabahador sa Boracay sa anum ka bulan nga pagsirado sa mga turista para sa rehabilitasyon.

Apang gin-athag ni Police Regional Office 6 spokesperson Joem Magalong nga wala pa nadetalye ang mga proseso sa pagpanghatag sang ID. Pangunahan sang Aklan Police Provincial Office kag Regional Operations and Plans Division sang PRO 6 ang pagplastar sang guidelines sa ID system. Madamo suno sa iya sang isyu nga gina-refine antes ang closure.

Wala pa nadiskusyunan suno kay Boracay Island Administrator Rowen Aguirre kon paano makasulod sa isla ang may mga lehitimo nga tuyo kon masugod na ang rehabilitasyon. Indi masabat ni Aguirre kon san-o gid mapaguwa ang kumpleto nga guidelines sa pagsirado sang Boracay. (JoMaque)