ID system, ipatuman sa pagsiradu sang Boracay para sa rehabilitasyon

Boracay Island, Aklan–Nagpangayo na sang listahan sang mga residente kag empleyado sa mga establisemento sa Boracay ang kapulisan.

Himuon ini nga basehan kon sin-o ang pasugtan nga makasulod sa isla kon siraduhan na sa mga turista para sa rehabilitasyon sugod sa Abril 26.

Suno kay SPO1 Nida Gregas, spokesperson sang Aklan Police Provincial Office, nalatag na ang security preparations sa Boracay kag ang immediate supervisor kag ground commander sa isla amo si PRO 6 Deputy Regional Director for Operations PSSUPT Jesus Cambay.

Nagpadala naman ang PRO 6 sang dugang nga pwersa sa Boracay. 610 sa kabug-usan ang mga pulis nga magabantay sa Boracay suno kay Gregas.

Magagamit sang ID system sa isla sa period sang rehabilitasyon kag gin-athag ni Gregas nga base sa rekomendasyon sang inter-agency task force, ang mga residente kag empleyado lang ang mahimo nga makasulod sa isla. Para mapatuman ini, isa ka entry kag exit point lang ang gamiton suno pa kay Gregas. (AGB)