Mayor Joe Espinosa, wala naka-abot sa kape-kape sa barangay upod sa mga punong barangay sa Arevalo

Iloilo City–Wala naka-abot para sa “kape-kape sa barangay” si Mayor Joe Espinosa upod kuntani ang mga punong barangay sa Arevalo.

Ginkumpirmar ni Sto. Domingo Punong Barangay kag Arevalo ABC District President Lawrence Lorenzo nga gintalana nila ang schedule sa kape-kape sa barangay upod sa alkalde kaina sang aga.

Pero may emergency meeting si Espinosa sa Manila kabangdanan wala ini nakapakigkita sa mga kapitan.

Gindayon naman sang mga kapitan ang pagtililipon agud maistoryahan ang iban pa nila nga concerns.

Suno kay Lorenzo, wala nalakip sa ila agenda ang parte sa pamulitika. Nakadepende na suno kay Lorenzo sa kada kapitan kun sin-o ang ila suportahan ilabe na kun madayon ang pagbungguanay nanday Espinosa kag bilas sini nga si Congressman Jerry Treñas sa pagka-mayor. (AGB)