Bag-o nga Arsobispo sang Jaro Archdiocese, iga-install subong nga adlaw

Iloilo City — Iga-install subong nga adlaw si Bishop Jose Romeo Lazo sang San Jose de Antique bilang bag-o nga Archbishop sang Jaro Archdiocese.

Pagabuslan ni Lazo si Archbishop Angel Lagdameo nga nagretiro sang damlag lang pagkatapos ginbaton ni Pope Francis ang iya resignation.

Gin-install bilang Arsobispo sang Jaro si Lagdameo sang 2000 antes magdesisyon nga magretiro sa edad nga 77.  Si Lagdameo, ang anay presidente sang Catholic Bishops Conference of the Philippines (CBCP).

Si Bishop Lazo, 69-anyos ang ika-13 nga Archbishop sang Jaro Archdiocese.    Natawo si Archbishop-elect Lazo sang Enero 23, 1949 sa San Jose de Buenavista, Antique kag gin-ordinahan nga pari sang Abril 1, 1975. (JoMaque)