ERC conference sa mga reklamo batuk sa PECO, ginhiwat sa syudad

Iloilo City–Nagserbe nga mediator ang Energy Regulatory Commission sa duha ka adlaw nga conference angut sa mga reklamo batuk sa Panay Electric Company.

Suno kay Mr. Greg Ofalsa, OIC Director sang Consumers Affairs Office sang ERC, nagapatunga ang hearing officers kag nagabulig kon pwede ma-areglo ang reklamo sang konsumedor kontra sa PECO. Apang gin-athag ni Ofalsa nga kon wala sang settlement nga matabu, pwede na makafile ang complainant sang verified complaint batuk sa PECO.

Sa una nga adlaw sang 2-day conference kaina, pila ka mga konsumedor ang nagpasugot nga amat-amatan na lang bayad ang nagtimbuok nila nga billing bangud nga ginpahayag may ginpakita nga ebidensya ang PECO nga na-consume nila ang elektrisidad. Apang may mga nagpanindugan nga indi magpa-areglo kag sa baylo, mapadayon sang ila reklamo batuk sa PECO. (AGB)