PECO Nagpasalig Nga I-Review Ang Ila Mga Polisa Kasunod Sang Ginhiwat Nga Conference Sang ERC Sa Mga Reklamo Batuk Sa Ila

Iloilo City — I-review sang Panay Electric Company ang ila mga polisa kasunod sang duha ka adlaw nga conference sang Energy Regulatory Commission sa mga nagareklamo batuk sa distribution utility.

Gin-ako ni Engr. Randy Pastolero, vice president for operations sang PECO, nga may problema sa ila management kag mga serbisyo santu man sa pahayag sang ERC.

Handa ang PECO suno kay Pastolero nga mag-implementar sang pagbag-o lakip na ang revamp sa mga personnel agud madasig nga maaktuhan ang mga complaints.

Nagpasalig man si Pastolero nga indi sila mang-utod samtang gina-imbestigaran ang reklamo sang konsumedor.

(AT)