Western Visayas, nagpangatlo sa bag-o lang natapos nga Palarong Pambansa sa Vigan

Vigan, Ilocos Sur–Nagtapos sa ikatatlo nga pwesto ang Western Visayas sa bag-o lang natapos nga Palarong Pambansa sa Vigan.

Nakuha sang Region 6 ang 46 ka gold, 45 ka silver kag 55 ka bronze medals.

Nagpanguna liwat ang National Capital Region nga may 100 ka gold, 70 ka silver kag 50 ka bronze medals. Nagapangaduha ang Region 4-A nga may 55 gold, 50 silver kag 73 bronze medals.

Pang-apat sa ranking ang Region 7 kag ginsundan sang Cordillera Administrative Region, Region 10, region 12, Region 3, Region 11, Region 2, Region 8, Region 5, CARAGA, Region 4-B, Region 9 kag nagpangulihot ang ARMM.

Nagsugod ang Palarong Pambansa 2018 sang Abril 15 kag nagtakup kaina sang hapon. (AGB)