3 ka mag-abyan nga nagpamayle, natiruhan
San Joaquin, Iloilo— Pilason ang tatlo ka mag-abyan matapos natiruhan sa baylehan sa Brgy. Dungoc, San Joaquin kaina sang kaagahon.
Suno kay Senior Inspector Asension Ortizo, hepe sang San Joaquin Station, pilason kanday Peter John Nebris, 20-anyos; Iris Karl Moscoso, 18-anyos kag alyas Jay, 16-anyos, lunsay pumuluyo sang Brgy. Igcaratong, San Joaquin kasunod sang insidente.
Wala pa nakilala ang suspetsado nga gilayon nga nagpalagyo.
Padayon nga ginabulong sa Western Visayas Medical Center ang mga biktima nga may mga pilas sa ti-il kag tuhod.
Nagapati si Ortizo nga indi hungod nga tiruhon sang suspect ang mga biktima. (JoMaque)