LTFRB 6, nag-athag nga wala nagapang-calibrate sang taxi meter ang ahensya
Iloilo City — Wala nagapang-calibrate sang taxi meter ang Land Transportation Franchising and Regulatory Board (LTFRB 6) kasunod sang pagpatuman sang fare adjustment.
Ini ang paathag ni LTFRB 6 Regional Director Richard Osmeña kasunod sang reklamo sang pila ka taxi operators sa sampaw-sampaw nga balayran sang mga driver sa calibration process.
Suno kay Osmeña, magluwas sa P1,110 nga mandatory fee nga ginasukot sang ahensya, wala na sang iban nga balayran.
Ang mandatory fee ginabug-usan sang P50 nga inspection fee; P40-verification fee; P510-increase of fare rate; P10- legal research fund; kag P500- resealing fee.
Bukas naman suno kay Osmeña ang ila opisina agud magpaathag sa mga drivers kag operators. (JoMaque)