Pagpaguwa sang PDEA sang ‘narco list,’ may maayo nga katuyuan suno sa City DILG

Iloilo City–Mas maayo nga napaguwa sang Philippine Drug Enforcement Agency ang listahan sang mga barangay officials nga ginpahayag involved sa illegal drugs.

Reaksyon ini ni Atty. Ferdinand Panes, director sang City DILG, matapos ginpaguwa sang PDEA ang listahan kahapon. Suno kay Panes, nakadepende sa mga pumuluyo kon sin-o nga mga barangay officials ang ila ibutang sa pwesto sa eleksyon sa Mayo 14.

Wake up call suno kay Panes ang pagpaguwa sang mga listahan bangud mahatagan sang tiun ang mga bumuluto nga magpili sang maayo nga kandidato.

Ginlaygayan kahapon ni DILG OIC Eduardo Año ang mga pumuluyo nga indi pagbotohon ang mga nagapapili nga involved sa illegal drugs. (AGB)