DILG 6, magasugod sang inspection sa compliance sang mga establisiemento sa Boracay subong nga adlaw

Iloilo City — Suguran subong nga adlaw sang inspection team nga gintukod sang Department of Interior and Local Government ang inspection sa masobra duha ka libo ka establismento sa Boracay kon compliant sa mga requirements sa pag-operate.

Suno kay DILG 6 Director Atty. Anthony Nuyda, ginpadal-an sila sang memorandum ni DILG Assistant Secretary Epimaco Densing III nga nagamandu sang inspection. Ginabug-usan ang team sang anum ka miembro nga representatives sang nagkalain-lain nga government agencies pareho sang DENR kag Environmental Management Bureau.

Pagatutukan sa checking kon may nagakaigo nga permits ang mga establisemento pareho sang mayor’s permit, sanitary permit kag environmental compliance certificate. Ginpahayag ni Nuyda nga sila sa DILG ang magasiguro nga compliant na ang tanan nga establisemento sa liwat nga pagbukas sang isla pagkatapos sang rehabilitasyon. Target sang teams nga matapos ang inspection antes ang Hunyo 15. (JoMaque)