Numero sang local kag foreign tourists nga nagbisita sa Isla Gigantes sa Carles, nagtimbuok matapos ginsiraduhan ang Boracay

Carles, Iloilo–Nagtimbuok ang numero sang local kag foreign tourists nga nagbisita sa Gigantes island sa Carles halin Enero tubtob Marso subong nga tuig.

Suno kay Carles Muncipal Tourism Officer Susan Marcelo, naglab-ut sa 11, 364 ang local tourists kag 406 ka foreigners nga nagday tour sa Gigantes sang Marso. Sang nagsirado ang Boracay sa mga turista sang Abril 26, nagdinaguso pa gid suno kay Marcelo ang mga nagpadulong sa sikat nga isla kag ginalauman nga madugangan pa.

Gin-ako naman ni Marcelo nga kulang pa ang mga facilidad sa Sicogon gani gina-prayoridad nila ang pag-engganyo sa mga turista nga magbisita sa Gigantes. (AGB)