Congressman Jerry Treñas, nagsugod na pili sang iya linyada sa pagka-konsehal sa 2019 elections

Iloilo City–Nagsugod na si Lone District Congressman Jerry Treñas sa pagpili sang mga kandidato sa pagka-konsehal nga ilakip sa iya linyada para sa iya pagpapili nga mayor sa syudad sa 2019 elections.

Walo ka mga pangalan ang ginmitlang sang kongresista nga luyag mag-upod sa iya grupo nga ginabug-usan nanday incumbent Councilors Jay Treñas, Ely Estante, Candice Tupas, Liezel Zulueta-Salazar kag ex-officio Councilor Reyland Hervias; former Councilor Lex Tupas, Allan Zaldivar kag Rudolf Ganzon nga bata ni Vice Mayor Jeffrey Ganzon.

Apang wala ini nagakahulugan suno sa kongresista nga sila na gid ang maupod niya sa linyada bangud may mga gina-istorya pa siya nga iban.

Track record kag serbisyo sa mga pumuluyo ang gin-basehan ni Treñas sa pagpili sang iya mga konsehal.

Nagalaum man si Treñas nga makaupod niya sa partido ang bilas nga si Mayor Joe Espinosa bilang iya kandidato sa pagka-kongresista. (AGB)