Pila Ka Incumbent Official Kag Former Political Leaders Sa Syudad Nagpabutyag Na Nga Maupod Kay Congressman Jerry Treñas Sa 2019 Elections

Iloilo City — Nagpabutyag nga maupod kay Congressman Jerry Treñas sa 2019 elections ang pila ka incumbent kag former political leaders.

Ginbuyagyag sang kongresista nga luyag mag-upod sa iya linyada kon magpadalagan siya nga mayor sa syudad sanday incumbent Councilors Jay Treñas, Ely Estante Candice Tupas, Liezel Zulueta-Salazar kag ex-officio Councilor Reyland Hervias kag former Councilor Lex Tupas.

Nag-signify man nga maupod kay Treñas sanday Mr. Allan Zaldivar kag Rudolf Ganzon nga bata ni Vice Mayor Jeffrey Ganzon.

Gin-athag ni Treñas nga may mga gina-istorya pa siya nga iban. Maayo nga track record kag pagserbisyo sa pumuluyo ang ginabasehan sang kongresista sa pagpili sa mga magakandidato magaupod sa iya linyada.

Una na nga ginconfirmar ni Vice Mayor Ganzon nga ginbaton niya ang tanyag ni Treñas nga mangin vice mayor sini. Nagalaum naman si Treñas nga makaupod niya sa partido ang iya bilas nga si Mayor Joe Espinosa agud mangin kandidato niya sa pagka-congressman.

(ATT)