Congressman Jerry Treñas, luyag lang i-pressure si Mayor Joe Espinosa nga mag-upod sa iya sa 2019 elections rason nga ginpaguwa ang iya posible linyada

Iloilo City–Luyag lang pahugon ni Congressman Jerry Treñas si Mayor Joe Espinosa paagi sa pagpaguwa sa iya posible linyada sa 2019 elections.

Ini ang pagpati ni Councilor Plaridel Nava sa temprano nga pagpahibalo sang kongresista sang iya mga plano para sa masunod nga eleksyon.

Suno sa konsehal, gusto ipressure ni Treñas ang alkalde paagi sa pagpahibalo nga may puwersa na ang iya grupo bangud halos tanan nga mga konsehal ang maupod sa iya.

Daw pareho lang suno sa iya nga gina-blackmail sang kongresista si Mayor Espinosa agud magdesisyon ini nga mag-upod sila sa eleksyon.

Ginalikawan naman sang alkalde ang mga pamangkot angut sa eleksyon gani posible ini ang nagapa-stress kay Treñas suno pa sa konsehal. (AGB)