Punong barangay sang Quezon, Arevalo, nagapati nga siya ang target patyon sang mga subject sa operasyon sang CIDG; kasumpong sini sa barangay election, nag-angal sa pahayag sini nga pulitika ang rason sa pagtuyo sa iya kabuhi

Iloilo City–Nagapati si Quezon, Arevalo Punong Barangay Visamin ‘Nonong’ Cañal nga siya ang tuyo patyon sang gin-operate sang PNP-CIDG kagab-i nga sakay sa Isuzu MUX apang nakapalagyo.

Nagpa-blotter si Cañal sa Arevalo Police Station angut sa ginpahayag tuyo nga pagpapatay sa iya. Suno sa punong barangay, Mayo 6 kag 7 sang makapila ka beses niya nga nakita ang salakyan nga nagabalik-balik.

Nagapati si Cañal nga pulitika ang rason sa pagtuyo sa iya kabuhi.

‘Wala ako ikasarang’

Nag-react naman si anay Punong Barangay Letty Yap, naga-isahanon nga kasumpong ni Cañal sa Barangay elections, sa pahayag sang incumbent barangay kapitan. Suno kay Yap, wala siya sang ikasarang nga himuon ang ginapasibangud ni Cañal.

Ginpahayag pa sang apo ni Yap nga luyag sang mga pumuluyo nga liwat magpadalagan ang iya lola gani nga nagpapili ini sa pagka-barangay kapitan. (AGB)