Mga resort owners sa Northern Iloilo, nagpasalig sang suporta sa Ecological Solid Waste Management Act

Iloilo–Nagpasalig sang suporta ang mga resort owners sa Northern Iloilo angut sa implementasyon sang Republic Act 9003 ukon Ecological Solid Waste Management Act of 2000 kasunod sang tatlo ka adlaw nga orientation.

Gintalakay ang ka-importansya sang inventory sang mga resorts, pagdeterminar sang ESWM practices, identification sang illegal structures kag laye sa easement nga kinahanglan adoptaron sa lima ka areas nga ginabug-usan sang Barangay Asluman, North Gigantes Carles, Bantique Island, Antonia Island, Maruja Flora Island Paradise kag Tangke Lagoon. Ang lima ka areas, kabahin sang grupo sang mga isla sa Carles nga mas kilala nga Isla de Gigantes.

Ginpahayag naman ni DENR 6 Director Jim Sampulna nga nagatrabaho sila sang todo agud ipahibalo sa pumuluyo nga magsunod sa environmental laws. Apang nakadepende suno sa iya sa local government unit ang implementasyon sang mga laye.

Ginhimo ang orientation sa Solid Waste Management matapos ang pagsirado sa Boracay sa mga turista para sa anum ka bulan nga rehabilitasyon. (AGB)