Duha ka suldado patay, 8 pilason sa engkuwentro batuk sa ginapatihan NPA sa Negros Occidental
Kabankalan City, Negros Occidental — Duha ka soldado ang patay kag walo pa nila ka kaupod ang pilason sa engkwentro batuk sa ginapatihan mga miembro sang New People’s Army sa Barangay Tan-awan, Kabankalan City, Negros Occidental kahapon sang aga.
Ginkilala ni Captain Ruel Llanes, spokesperson sang 303rd Infantry Brigade ang mga napatay kanday Sergeant Sandy Arevalo kag Private First Class Vicente Marcon. Pilason naman sanday Sergeant Niño Nabaunag; Private First Class Michael Besana; Private First Class Angelito Bariga; Private First Class Voltair Catamin; Private First Class Kenneth Cerbo; Private Joven Taghap kag Private John Daryl Delgado.
Nagapati ang Philippine Army nga may mga napatay man sa mga kaaway. Ginabanta 60 ka armado nga tawo ang naka-engkwentro sang mga soldado sa duha ka oras nga inaway. (JoMaque)