Ginpahayag pagpangampanya sang SB member sa Barotac Viejo sa ginasuportahan nga kandidato sa pagka-barangay kapitan, ginreklamo ni Mayor Beng Tupas

Barotac Viejo, Iloilo — Nagreklamo sa police station si Barotac Viejo Mayor Beng Tupas matapos nakabaton sang impormasyon nga may nagalagaw nga SB member sa tatlo ka barangay sa banwa kag nagapangampanya agud botohon ang iya kandidato sa pagka-barangay kapitan.  Pero nagbalibad ang alkalde nga hingadlan ang SB member.

Ang tatlo ka ginatumod nga barangay amu ang La Fortuna, California kag San Fernando.

Suno naman kay California punong barangay Kely Bañes, ginkuhaan niya sang picture sang Sabado si SB member Felsi Sabadisto bangud nakita niya nga nagakadtu sa balay sang iya mga supporters. Apang indi makumpirmar ni Bañes kon nagapangampanya gid man si Sabadisto pabor sa iya kontra sa pagka-kapitan nga si Merla Orpeza. (JoMaque)