Ginpahayag Vote Buying Sa Rehiyon, Imbestigaran Sang Comelec

Western Visayas — Imbestigaran sang Commission on Elections ang mga reklamo sang alleged vote buying angut sa Barangay kag Sangguniang Kabataan elections kahapon.

Suno kay COMELEC VI acting director Atty. Tomas Valera, ginahulat nila ang affidavit kag complaint sang mga nagreklamo. Gin-athag ni Valera nga kon wala sang magfile sang reklamo sa ila opisina, magapabilin lang nga blotter report ang pito ka narecord sa Western Visayas. Apat ang nagpablotter sa Iloilo, duha sa Aklan kag isa sa Negros Occidental.

Base sa ginpresentar sa press conference pagkatapos sang binotohay kahapon, ginreklamo sa Barangay San Lucas, Barotac Viejo sanday Milo Tupas, Jesus Cartagena, Christine Italia, Jesus Berdan, Henry Arcallo kag Oscar Ramirez. Ginreklamo naman sa Barangay San Dionisio, San Rafael si Arnel Pama; si Barbara Panes sa Barangay Agmanaphao, Mina; kag si Cherryl Articulo sa Malangabang, Concepcion.

(ATT)