Anay Barangay Kapitan Sa Lambunao, Arestado Matapos Nakuhaan Sang Pusil

Lambunao — Gindakup ang anay barangay kapitan sa Lambunao matapos nakuhaan sang 45 caliber nga pusil sang Domingo sang gab-i.

Suno kay Chief Inspector Jogen Suegay, hepe sang Lambunao Police Station, ginreklamo si anay Punong Barangay Joey Lira nga nagharass sa mga barangay tanod sang Barangay Jayubo sa amo man nga banwa. Nagpangayo sang bulig sa mga pulis ang mga tanod gani naaresto si Lira.

Ginpahayag ni Suegay nga nag-upod sa pagpangampanya si Lira sa iya hinablos nga si Milky Lira nga nagapadalagan nga punong barangay sa Barangay Jayubo.

Samtang nadakpan sa checkpoint ang barangay tanod nga nakuhaan sang 12-gauge shotgun sa Barangay Malapaya, Sara sang Domingo sang gab-i.  Pauli na si Tito Sucuybo, 53 anyos sang Domingo, Sara sang nadakpan.

(ATT)