Local DILG, wala pa sang guidelines kon paano pun-an ang mga bakante nga posisyon pagkatapos sang Barangay kag SK elections

Iloilo–Wala pa sang guidelines ang Department of Interior and Local Government sa sistema kon paano pun-an ang bakante nga posisyon sa barangay pagkatapos sang eleksyon kahapon.

Suno kay DILG provincial director Teodora Sumagaysay, ginahulat nila ang guidelines halin sa central office.

Base sa gin-obserbar sang nakaligad nga SK elections, posible suno kay Sumagaysay nga magahiwat sang special election kon indi kumpleto ang nagdaug ukon wala gid sang nagpadalagan.

Sa Barangay election naman, may otoridad ang local chief executive nga mag-appoint sa magapungko sa bakante nga posisyon base sa Local Government Code.

Magapungko suno kay Sumagaysay ang mga nagdaug sa Barangay kag SK elections alas-12:01 sang hapon sa Hunyo 30 subong nga tuig. (AGB)