Acting director sang Comelec regional office 6, nag-ako nga indi sila makadisplina sa mga nagpadalagan sang eleksyon nga indi mangkakas sang ila campaign materials

Comelec 6 office, Iloilo City–Gin-ako ni Commission on Elections ukon Comelec 6 Acting Regional Director Atty. Tomas Valera nga indi nila madisiplina ang mga kandidato sa Barangay kag Sangguniang Kabataan elections nga mapaslawan magpangkakas sang mga campaign materials nga ginpatapik sang campaign period.

Suno kay Valera, wala sang laye nga nagarequire sa mga kandidato nga magpanglimpiyo sang ila campaign materials.

Mahimo nga ipatuman suno sa iya sa amu nga sitwasyon kon may city ordinance ukon municipal ordinance agud mapuwersa ang mga kandidato nga magpangkakas sang ila mga posters, streamers kag iban pa nga campaign materials. (AGB)