24 anyos nga iloy sa Lapuz, nagreklamo nga gintuyo halukan sang iya boardmate

Iloilo City–Nagreklamo ang 24 anyos nga iloy matapos gintuyo halukan sang iya boardmate nga lalaki sa Lapuz.

Suno sa Lapaz police, nagpangayo sang advice ni alyas Rose kay alyas Jojo, 48 anyos, matapos sila nag-away sang iya live-in partner.

Ginpahayag nga ginhatagan sang malisya ni Jojo ang ginpakita nga kaayo kag pagpakig-abyan sa iya ni Rose gani gin-imbitar sini nga magsulod sa iya kuwarto ang babaye. Bangud sa pagsalig sa lalaki, nagsulod si Rose kuwarto apang gulpi lang ini ginbutong ni Jojo kag gintuyo nga halukan sa guya.

Nawakli ni Rose ang kamot ni Jojo kag nagdalagan paguwa sa kuwarto kag nagpa-blotter sa Lapaz Police Station. (AGB)