Anum, nadakpan nga violators sang Comelec gun ban sa syudad

Iloilo City–Anum ang nadakpan nga naglapas sang Comelec gun ban sa syudad angut sa bag-o lang natapos nga Barangay kag SK elections.

Suno kay PSINSP Inspector Shella Mae Sangrines, spokesperson sang Iloilo City Police Office, duha ka pusil, tatlo ka kutsilyo kag isa ka bala ang ila nakumpiskar sa mga nadakpan.

Sa record sang ICPO, ang mga nadakpan amo sanday Nikki Carbaquil, John Michael Salido, Jocelyn Gumban, menor-de-edad nga suspek sa paghold up sa taxi driver, Jay Vincent Maquez kag Enrico Anado.

Nag-umpisa ang Comelec gun ban sang Abril 14 kag nagtakup kagab-i. (AGB)