Mga opisyal sang Jordan Motor Banca Cooperative, ipatawag sang Guimaras provincial board agud magpa-athag kag magdihon sang mga tikang para sa kaayuhan sang mga pasahero

Guimaras–Gin-ako ni Guimaras Vice Governor John Edward Gando nga may daku nga kakulangan ang Jordan Motor Banca Cooperative gani madamu ang nagreklamo sa kawad-an sang sistema sa pagsakay sang mga pasahero sa Ortiz Wharf.

Pangayuan sang paathag sang Guimaras Provincial Board ang JMBC officials angut natabu ilabe na sang weekend.  Suno kay Gando, masami nila ginamonitor ang pagdugok sang pasahero sa Ortiz Wharf gani ginasuhestyun ang pagsuspender sa pag-issue sang ticket agud malikawan ang delay. Masami man gina-ayo suno sa iya sa mga motor banca operators nga sa pump boat na lang ang bayranay kag pagpirma sang manifesto agud indi maginutok ang mga pasahero.

Ginkatingala man ni Gando kun ngaa wala ma-activate ang public address system sa Ortiz Wharf pareho sang ginhimo sa Pagtaltal sang Biernes Santo. (AGB)