Kapilya, gin-igo sang kilat; 11 pilason
Negros Occidental — Onse ang napilasan lakip ang walo ka menor de edad matapos gin-igo sang kilat ang kapilya sa Purok Pandan Uno, Brgy Ma-ao, Bago City samtang nagahiwat sang Flores de Mayo kahapon.
Suno kay Punong Brgy. Reymund Gerona, antes natabu ang pagpangilat, nagbubo ang mamunog nga ulan sa lugar.
Gindala sa Bago City District Hospital ang mga biktima nga sanday:
1. Rechie Escara, 27
2. Joan Grace Escara, 2
3. Rosie Chu, 47
4. Mary Ann Bernasol, 29
5. Mary Jane Bernasol, 9
6. Mark Kevin Cubos, 6
7. Andrea Rose Garcenela, 5
8. Angelie Belen, 17
9. NJ Amar, 15
10. Maricar Amar, 17
11. Aiper Lauwyn Escora, 17
Suno naman kay Cesar Escara, isa sa mga nagresponder sa lugar, nakabati siya sang mabaskog nga lupok kabangdanan dali-dali nga nagpadulong sa kapilya kag naabtan ang mga nagahuray-ad kag lipong niya nga mga bata kag apo. (JoMaque)