Anay empleyado sang gun store sa City Proper nga illegal nga nagabaligya sang pusil, arestado sa entrapment operation
Iloilo City — Gin-aresto kag ginpasakaan sang kaso nga illegal possession of firearms angut sa Comelec gun ban ang anay empleyado sang gun store nga nadakpan sa entrapment operation sang Intelligence Section sang City Proper Police Station kag Intelligence Section sang Campo Delgado.
Suno kay Police Supt. Jonathan Pablito, hepe sang City Proper Police Station, nadakpan si Enrico Anado, 43 anyos sang Brgy. San Isidro, Jaro kag nakuhaan sang pusil kag duha ka magazines.
Sa pag-imbistigar sang police, ginrason ni Anado nga ginpabaligya lang sa iya ang pusil agud nga makakwarta para gamiton sa enrollment sang iya bata. (JoMaque)