Sentimento sang transport sector angut sa epekto sang TRAIN Law, ginpamatian ni Senator Poe sa iya pag-abot sa Iloilo

Iloilo City–Nagbisita si Senator Grace Poe sa ITGSI terminal sa Ungka, Jaro kaina sang aga.

Ginpamati-an sang senador ang sentimento sang mga jeepney drivers kag operators antes ang hearing sang Senate Committee on Public Services nga iya ginapamunuan sa Provincial Capitol SP Session Hall.

Suno kay Mr. Rizalito Alido, secretary general sang City Loop Integrated Alliance of Jeepney Operators and Drivers Association ukon CLIAJODA, wala sila ginkonsulta sa mga bag-o nga pagsulundan sa Department of Transportation. Ginhingyo naman ni Alido kay Poe nga pataasan ang subsidy sa kada jeepney operator sa implementasyon sang jeepney modernization program.

Nagwangal naman si Mr. Ronnie Almendral, presidente sang Provincial Jeepney Operators and Drivers Association angut sa standard unit sang jeepney sa modernization program. Suno kay Almendral, kinahanglan nga dako ang makina sang jeepney ipaanggid sa 4 cylinder sa standard unit sa pagbyahe sa nabukid nga bahin sang probinsya.

Antes nagkadto sa ITGSI terminal, naghapit si Poe sa Jaro Cathedral sa diin nakita siya sang lapsag pa. (AGB)