(UPDATE) Sunog sa Oton, nagbilin sang ginabanta P200k nga kahalitan

Oton, Iloilo–Ginabanta sa 200 mil pesos ang kahalitan sang sunog sa compound sa Villa Christina Subdivision sa Barangay Cagbang, Oton kagab-i.

Walo ka balay ang nasunog, pito ang naupos gid kag isa ang partially-damaged. Suno sa Bureau of Fire Protection-Oton, totally damaged ang balay nanday Edgar Anguwas, Raul Niog, Adan Niog, Marcos Emberador, Opong Niog, Intsik Niog kag Kanto Niog. Partially damaged naman ang balay ni Venus Niog.

Suno sa BFP, naghalin sa balay ni Anguwas ang kalayo.

Padayon pa ang imbestigasyon sang BFP sa gintunaan apang sa inisyal nga impormasyon, may naglupok nga kuntador antes ang sunog. (AGB)