Konsultasyon Sang RTWPB Angut Sa Petisyon Nga Wage Increase Natapos Na Suno Sa DOLE VI

Western Visayas –Natapos na sang regional tripartite wages and productivity board ukon RTWPB ang consultation para sa gin-file nga petition for wage increase sang isa ka wage group sa rehiyon.

Suno kay Department of Labor and Employment VI Asst. Regional Director Salome Siaton,  natapos ang consultation sa nagkalain-lain nga probinsya sang nagligad nga semana. Sa subong suno sa iya, iga-deliberate na lang sang mga miembro sang RTWP ang petition antes desisyunan kon bala kinahanglan ang wage increase.

Una na ginmandu ni Presidente Rodrigo Duterte ang pag-convene sang wage board agud tun-an ang epekto sang Tax Reform law sa mga trabahador.

(att)