Lalaki Nga Ginatudlo Naghatuk Hatok Labu-Patay Sa Iya Manghod Kag Naglabu Man Sa Ila Iloy Sa Antique Napasakaan Na Sang Kaso
Hamtic, Antique –Ginpasakaan sang frustrated parricide kag murder ang 24-anyos nga lalaki nga ginatudlo naghatuk-hatok labu patay sa iya 21-anyos nga manghod kag naglabu man sa ila iloy.
Suno kay PO3 Oliver Villanueva, imbestigador sa Hamtic Police Station, preso sa ila karsel ang suspetsado nga si alyas Paul Vincent.
Naka-guwa naman sa ospital ang iloy sang suspetsado nga si alyas Enocencia, 52-anyos nga may pilas sa magtimbang nga kamot. Una na ginreport nga dead on arrival sa ospital ang biktima nga si alyas Queenie bangud sang mga pilas sa ulo.
Sa imbestigasyon sang pulis, una nga ginlabu sang suspect ang iloy gamit ang binangon. Sunod niya nga gin-atake ang manghod rason nagpalagyo apang nadakpan niya kag ginhatuk hatuk sang labu ilabi na sa ulo.
Ginpahayag may nervous breakdown ang suspetsado suno sa pulis apang wala pa sang pamatuod ang pamilya natuhoy diri.
(att)