SAP Bong Go, nagbisita sa hamyang sang Ilonggo nga soldado nga napatay sa engkwentro sa Negros Occidental
Cabatuan,Iloilo — Ginbisitahan ni Special Assistant to the President Bong Go ang hamyang sang soldado nga napatay kasunod sang engkwentro sa tunga sang Philippine Army kag rebelde nga grupo sa Kabankalan, Negros Occidental sang damlag lang.
Nagpakigbuylog sa kalisod sang pamilya sang napatay nga si Private First Class Vicente Marcon, 26-anyos tumandok sang Brgy. Ingas, Cabatuan si Presidente Rodrigo Duterte paagi kay Go.
Upod ni Go nga nagkadto sa hamyang si Presidential Communications and Operations Officer Secretary Martin Andanar kag iban pa nga mga opisyales sang gobyerno.
Ginhatagan sang gobyerno paagi kay Go ang pamilya Marcon sang Php 20,000 nga cash, Php 220,000 nga balor sa tseke kag cellphone agud direkta sila nga makakonekta sa iya opisina.
Nangin emosyonal si Madielyn Marcon, 60-anyos kag iloy sang napatay kasunod sang pagbisita ni Go sa hamyang sang iya bata. (JoMaque)