Zero theft incident, target sang ICPO sa pagbukas sang klase sa Hunyo
Iloilo City — Maga-deploy sang 700 ka police augmentation ang Police Regional Office 6 sa pagbukas sang klase sa Hunyo 4.
Ini ang ginkumpirmar ni Senior Inspector Shella Mae Sangrines, Public Information Officer sang Iloilo City Police Office sa tuyo nga malab-ot ang zero theft incident kag iban pa nga kriminalidad sa una nga semana sang pagbukas sang klase.
Suno kay Sangrines, dako nga bagay ang police visibility sa mga eskuwelahan kag matawo nga lugar agud matapna ang anuman nga insidente.
Magluwas sa kinawatay, ginatutukan man sang ICPO ang hold-up incident, salisi kag paglapta sang illegal nga druga. (JoMaque)