DPWH, nagpasiguro nga nagaagi sa husto nga validation ang pagkay-o sang karsada

Iloilo City — Na-validate sang Department of Public Works and Highways 6 ang report nga ginhimo sang district engineering officer kasunod sang inspection sa mga national roads antes bakbakon ukon suguran ang proyekto.

Pa-athag ni Engr. Ray Adrian Macalalag, Engieer 2 sa Planning and Design Division sang DPWH 6, ginapadala sa ila opisina ang inspection report para sa validation. Ang regional office naman ang nagasumiter sang report sa central office nga amo ang magatumod kon poor, fair, good ukon bad ang condition sang dalan. Gin-athag ni Macalalag nga wala sila nagasubmit sang rekomendasyon kon ano ang himuon sa karsada.

Kon matumod na sang central office ang kondisyon sang karsada, ibalik ang report sa regional office para sa random field validation kag kon kon matapos, iforward liwat sa central office para sa final reports. (JoMaque)