Former IPPO Director vs Napolcom 6 Director
Iloilo City–Pareho nga nagpa-record sa Lapaz Police Station ang anay director sang Iloilo Police Provincial Office kag ang director subong sang National Police Commission 6 kasunod sang insidente nga nagluntad sa ila pagkit-anay sa kapehan kaina sang aga.
Sa alegasyon ni Napolcom 6 Director Joseph Celis, ginpahayag sini nga las 8:20 sang aga samtang nagapangape siya sa Madge Cafe, nabatian niya nga naghambal si anay IPPO director Cornelio Salinas sang “Tikalon! Hambog!”
Ginpahayag nga ginsaway sang iya kaupdanan si Salinas pero sige pa gihapon ang pagtulok sini kay Celis.
Sa iya naman bahin, ginpahayag ni Salinas nga sa amo man nga oras, ginhambalan siya sang Napolcom director sang “Ano tulok mo? Maano ka?” dala ang pamuyayaw.
Ginpahayag ni Salinas nga ginbalewala niya ang hambal sa iya ni Celis. (AGB)